ಇಂಡಿ ವಿಭಾಗದ ಸರಕಾರಿ ಉರ್ದು ಶಿಕ್ಷಕರ ಪತ್ತಿನ ಸಹಕಾರಿ ನಿ ಕಟ್ಟಡ ಉದ್ಘಾಟನೆ

 ಇಂಡಿ ವಿಭಾಗದ ಸರಕಾರಿ ಉರ್ದು ಶಿಕ್ಷಕರ ಪತ್ತಿನ ಸಹಕಾರಿ ನಿ ಕಟ್ಟಡ ಉದ್ಘಾಟನೆ:

ಇಂಡಿ. ಇಂಡಿ  ವಿಭಾಗದ ಸರಕಾರಿ ಪ್ರಾಥಮಿಕ ಶಾಲೆಗಳ  ಉರ್ದು ಶಿಕ್ಷಕರ ಪತ್ತಿನ ಸಹಕಾರಿ ನಿ.  ಇಂಡಿ ನೂತನ ಕಟ್ಟಡದ ಉದ್ಘಾಟನಾ ಸಮಾರಂಭ   8 ಡಿಸೆಂಬರ್ 2024 ರಂದು ನಡೆಯಿತು. ಈ ಕಾರ್ಯಕ್ರಮವನ್ನು ಇಂಡಿ ಕ್ಷೇತ್ರದ  ಶಾಸಕರಾದ ಯಶವಂತರಾಗೌಡ ಪಾಟೀಲ ಅವರ ಪುತ್ರರಾದ  ವಿಠ್ಠಲ ಗೌಡ ಪಾಟೀಲ  ಉದ್ಘಾಟಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ವಿಠ್ಠಲಗೌಡ ಪಾಟೀಲ  "ಶಿಕ್ಷಕರ ಒಗ್ಗಟ್ಟಿನಿಂದಾಗಿ ಈ ರೀತಿಯ ಮಹತ್ವಾಕಾಂಕ್ಷಿ ಯೋಜನೆಗಳನ್ನು ಯಶಸ್ವಿಯಾಗಿ ಮುಂದುವರಿಸಬಹುದು. ಉರ್ದು ಭಾಷೆಯ ಮತ್ತು ಉರ್ದು ಶಿಕ್ಷಣದ ಅಭಿವೃದ್ಧಿಗಾಗಿ ಈ ಸಂಘಟನೆಯ ಕೊಡುಗೆ ಮಹತ್ತರವಾಗಿದೆ" ಎಂದು ಶ್ಲಾಘನೆ ವ್ಯಕ್ತಪಡಿಸಿದರು.

ಶಿಕ್ಷಕರ ಪತ್ತಿನ ಸಹಕಾರಿ ನಿ ಕಟ್ಟಡವು ಉರ್ದು ಶಿಕ್ಷಣಕ್ಕಾಗಿ ಪ್ರಮುಖ ಕೇಂದ್ರವಾಗಿ ಕಾರ್ಯನಿರ್ವಹಿಸುವ ಭರವಸೆ ನೀಡಲಾಯಿತು. ಈ ಸಂದರ್ಭದಲ್ಲಿ ಉರ್ದು ಭಾಷೆ, ಸಾಹಿತ್ಯ ಹಾಗೂ ಶಿಕ್ಷಣದ ಪ್ರಸ್ತುತ ಸ್ಥಿತಿಗತಿ ಕುರಿತು ಚರ್ಚೆಗಳು ನಡೆಯುವಂತಾಯಿತು.

ಸಮಾರಂಭದ ಅಧ್ಯಕ್ಷತೆ ಉರ್ದು ಶಿಕ್ಷಕರ ಪತ್ತಿನ ಸಹಕಾರ ನಿ.  ಅಧ್ಯಕ್ಷರಾದ ಶ್ರೀಮತಿ ಸೈಪನಮಾ ಮಕಾನದಾರ ವಹಿಸಿದರು. ಮುಖ್ಯ ಅತಿಥಿಗಳು  ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಜಾವಿದ ಮೀಮಿನ, ಇಸ್ಮಾಯಿಲ್ ಇನಾಂದಾರ, ಎಸ್.ಡಿ.ಪಾಟೀಲ, ಎಸ್.ಆರ್.ಪಾಟೀಲ, ಅಲ್ತಾಫ ಬೋರಾಮಣಿ, ಅಸ್ಲಂ ಪಟೇಲ, ಸರಕಾರಿ ನೌಕರರ ಸಂಘದ ಇಂಡಿ ನಿರ್ದೇಶಕ ಅಬುತಾಲಿಬ ಹೊಸುರ, ಮಕಬುಲಶಾ ಮಕಾನದಾರ, ಶ್ರೀಮತಿ ಅಂಜುಮ ಜಮಾದಾರ, ಕಮರುದ್ದಿನ ಬೇದರೆಕರ,  ಬಸವರಾಜ ಗೊರನಾಳ, ಜಾಫರ ಸಾದಿಕ ಮಾಶಾಳಕರ,  ಬಾಬು ಬೇಪಾರಿ,  ಸೇರಿದಂತೆ ಅನೇಕರು ಇದ್ದರು.