ಜಮಾತೆ ಅಹ್ಲೇಹದೀಸ್ ಇಜ್ತೆಮಾ ಇಂಡಿ. ಅಬ್ದುಲ ಘಫ್ಫಾರ ಸಲಫಿ.

 ಇಂಡಿ: ಜಮಾತೆ ಅಹ್ಲೇಹದೀಸ್ ಮತ್ತು ಮರಕಜಿ ಮದಿನಾ ಮಸೀದಿ ಲೋಹಾರ ಗಲ್ಲಿ ಇಂಡಿ ಅವರ ವತಿಯಿಂದ  ಇಜ್ಲಾಸೆ ಆಮ್  ಇಜ್ತೆಮಾ ಆಯೋಜಿಸಲಾಗಿತ್ತು. ಈ ಸಭೆ ಅತ್ಯಂತ ಯಶಸ್ವೀ ಮತ್ತು ಐತಿಹಾಸಿಕ ಕಾರ್ಯಕ್ರಮವಾಗಿತ್ತು.

 ಈ ಸಂದರ್ಭದಲ್ಲಿ ಪ್ರಸಿದ್ಧ ಅಲಿಮ್ ಮೌಲಾನಾ ಅಬ್ದುಲ್ ಘಪ್ಪಾರ್  ಸಲ್ಫಿ ಅವರು "ಮಾನವ ಜೀವನದ ಮೇಲೆ ತೌಹೀದ್ ನ ಭಾವನೆಯ ಪರಿಣಾಮಗಳು" ಎಂಬ ವಿಷಯದ ಮೇಲೆ  ಭಾಷಣ ಮಾಡಿದರು.

ಮೌಲಾನಾ ಅವರು ತೌಹೀದ್ ನ ಮಹತ್ವ ಮತ್ತು ಮಾನವ ಜೀವನದ ಮೇಲೆ ಅದರ ಆಳವಾದ ಪರಿಣಾಮಗಳನ್ನು ಕುರಾನ್ ಮತ್ತು ಸುನ್ನತ್ ಬೆಳಕಿನಲ್ಲಿ ಸುಂದರವಾಗಿ ವಿವರಿಸಿದರು. ಅವರು ಹೇಳಿದರು ತೌಹೀದ್ ಒಂದು ನಂಬಿಕೆ ಮಾತ್ರವಲ್ಲ, ಇದು ಮಾನವನ ಚಿಂತನೆ, ಚರಿತ್ರೆ ಮತ್ತು ಕ್ರಿಯೆಯನ್ನು ಶ್ರೇಷ್ಟಗೊಳಿಸುವ ಸಮಗ್ರ ವ್ಯವಸ್ಥೆಯಾಗಿದೆ. ಅವರು ತೌಹೀದ್ ಅಲ್ಲಿ ತೊಡಗಿರುವ ವಿಶಿಷ್ಟತೆ, ಸತ್ಯ ನಂಬಿಕೆ ಮತ್ತು ಲೋಕವಾಸನೆಯ ಉತ್ಕರ್ಷವನ್ನು ವಿವರಿಸಿದರು.

ಮೌಲಾನಾ ಉಮರ್ ಫಾರೂಕ್ ಮುಹಮ್ಮದಿ ಅವರು "ಕಿಯಾಮತ್ ನ ಭಯಾನಕತೆ" ಎಂಬ ವಿಷಯದ ಮೇಲೆ ಅತೀ ಹೃದಯಸ್ಪರ್ಶಿ ಮತ್ತು ಭಾವನಾತ್ಮಕ ಭಾಷಣ ಮಾಡಿದರು. ಅವರು ಕುರಾನ್ ಮತ್ತು ಹದೀಸಿನ ಆದಾರದ ಮೇಲೆ ಕಿಯಾಮತ್ ನ ದಿನದ ಭೀಕರ ದೃಶ್ಯಗಳನ್ನು ವಿವರಿಸಿದರು.  ಆ ದಿನ ಎಲ್ಲ ಪರಿಕರಗಳು ನಾಶವಾಗುತ್ತವೆ, ಬೆಟ್ಟಗಳು ರೇಷ್ಮೆಯಂತೆ ಹಾರಿ ಹೋಗುತ್ತವೆ, ಮತ್ತು ಪ್ರತಿಯೊಬ್ಬ ವ್ಯಕ್ತಿ ತನ್ನ ಕೃತ್ಯಗಳ ಲೆಕ್ಕಸಾಕ್ಷಿ ನೀಡಬೇಕಾಗುತ್ತದೆ.

ಮೌಲಾನಾ ಮುಫ್ತಿ ಅಬ್ದುರ್ ರಹ್ಮಾನ್ ಕಾಸ್ಮಿ ಅವರು ಮಹಿಳೆಯರ ಸ್ಥಾನ ಮತ್ತು ಗೌರವದ ಬಗ್ಗೆ ಮಾತನಾಡಿದರು. ಮೌಲಾನಾ ಶಾಕಿರ್ ಹುಸೇನ್ ಕಾಸಿಮಿ ಅವರು ಮಸೀದಿಯ ಮಹತ್ವ ಮತ್ತು ದಾನಧರ್ಮದ ಬಗ್ಗೆ ತಮ್ಮ ಅನುಭವವನ್ನು ಹಂಚಿಕೊಂಡರು. 

ಈ ಸಭೆಯ ಮುಖ್ಯ ಅತಿಥಿಯಾಗಿ ಇಂಡಿ ಶಾಸಕ  ಶ್ರೀ ಯಶಂತರಾಗೌಡ  ಪಾಟೀಲ್ ಉಪಸ್ಥಿತರಿದ್ದರು. ಅವರು ಮಾತನಾಡಿ, "ಇಂದು ಮುಸ್ಲಿಮರು ಶಿಕ್ಷಣದಿಂದ ವಂಚಿತರಾಗಿದ್ದಾರೆ. ಮುಸ್ಲಿಂ ನಾಯಕರಿಗೆ ತಮ್ಮ ಸಮುದಾಯವನ್ನು ಶಿಕ್ಷಣದತ್ತ ಪ್ರೇರೇಪಿಸುವ ಜವಾಬ್ದಾರಿ ಇದೆ" ಎಂದು ಹೇಳಿದರು.

 ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಅಹ್ಲೆಹದೀಸ್ ಜಮಾತಿನ  ಜಿಲ್ಲಾ ಅಧ್ಯಕ್ಷರಾದ ಮುಕ್ತಾರ  ಅರಬ ವಹಿಸಿದರು. ಮೌಲಾನಾ ಜಿಯಾ ಉಲ್ ಹಕ್ ಉಮ್ರಿ, ಅಮೀರ್ ಶಹರಿ ಜಮಾಅತೆ ಅಹ್ಲೇಹದೀಸ್ ಇಂಡಿ ಇದ್ದರು. ಸಭೆಯ ನಿರ್ವಹಣೆಯನ್ನು ಮೌಲಾನಾ ಅಬ್ದುಲ್ಅಜೀಜ್ ಫೈಝಿ ಮತ್ತು ಮೌಲಾನಾ ಮುಖ್ತಾರ ಅಹ್ಮದ್ ಉಮ್ರಿ ಅವರು ಮಾಡಿದರು.