ನೂತನವಾಗಿ ಇಂಡಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಶಿವಯೋಗೆಪ್ಪ ಚನಗೊಂಡ ಆಯ್ಕೆ.

 ಇಂಡಿ :- ಇಂಡಿ ವಿಧಾನ ಸಭಾ ಕ್ಷೇತ್ರದ ಇಂಡಿ ಮತ್ತು ಬಳ್ಳೋಳ್ಳಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರನ್ನಾಗಿ ಉಮುಖ್ಯ ಮಂತ್ರಿ ಹಾಗೂ ಅಧ್ಯಕ್ಷರು ಕರ್ನಾಟಕ ಪ್ರದೇಶ ಸಮಿತಿ ಬೆಂಗಳೂರು ಡಿ.ಕೆ ಶಿವುಕುಮಾರ ಇವರ ಆದೇಶದ ಮೇರೆಗೆ ಇಂಡಿ ಬ್ಲಾಕ್ ನೂತನ ಅಧ್ಯಕ್ಷರಾಗಿ ತಾಲೂಕಿನ ಸಾಲೋಟಗಿ ಗ್ರಾಮದ ಶಿವಯೋಗೇಪ್ಪ ಚನ್ನಗೊಂಡ ಇವರ ಆಯ್ಕೆಮಾಡಲಾಗಿದೆ. ಅದರಂತೆ ಇಂಡಿ ವಿಧಾನ ಸಭಾ ಕ್ಷೇತ್ರದ ಬಳ್ಳೋಳ್ಳಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾಗಿ ಇಂಡಿ ತಾಲೂಕಿನ ಬಸನಾಳ ಗ್ರಾಮದ ಭೀಮಾಶಂಕರ.ಸಿ ಸಾಹುಕಾರ ಇವರನ್ನು ಮತ್ತು ಇಂಡಿ ನಗರ ಘಟಕದ ಅಧ್ಯಕ್ಷರಾಗಿ ಶ್ರೀಕಾಂತ ಕೂಡಿಗನೂರ ಇವರನ್ನು ನೂತನ ಅಧ್ಯಕ್ಷರನ್ನಾಗಿ ಆಯ್ಕೆ ಆದೇಶವನ್ನು ರಾಜ್ಯಾಧ್ಯಕ್ಷರಾದ .ಡಿ.ಕೆ ಶಿವುಕುಮಾರ ಆದೇಶದ ಮೇರೆಗೆ ಮಾನ್ಯ ಶಾಸಕರಾದ ಯಶವಂತರಾಯಗೌಡ ಪಾಟೀಲ ಇವರು ಇಂದು ಪ್ರವಾಸಿ ಮಂದಿರದಲ್ಲಿ ಆದೇಶ ಪತ್ರ ನೀಡಿದರು.

ನಿಕಟಪೂರ್ವ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಜಾವೀದ ಮೋಮಿನ್ ಹಾಗೂ ಬಳ್ಳೋಳ್ಳಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಕಲ್ಲನಗೌಡ ಬಿರಾದಾರ ಇವರ ಸಮ್ಮುಖದಲ್ಲಿ ನೂತನ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರುಗಳ ನೇಮಕ ಮಾಡಿದ ನಂತರ ಶಾಸಕ ಯಶವಂತರಾಯಗೌಡ ಪಾಟೀಲ ಮಾತನಾಡಿ ಕಾಂಗ್ರೆಸ್ ಪಕ್ಷ ಬಡವರ ದೀನ ದುರ್ಬಲರ ಹಿಂದುಳಿದವರ ಪಕ್ಷವಾಗಿದ್ದು ಈ ಹಿಂದೆ ನಿಕಟಪೂರ್ವ ಅಧ್ಯಕ್ಷರುಗಳಾದ ಇಂಡಿ ಬ್ಲಾಕ್ ಅಧ್ಯಕ್ಷ ಜಾವೀದ ಮೋಮಿನ್ ಹಾಗೂ ಬಳ್ಳೋಳ್ಳಿ ಬ್ಲಾಕ ಅಧ್ಯಕ್ಷ ಕಲ್ಲನಗೌಡ ಬಿರಾದಾರ ಪಕ್ಷ ಸಂಘಟಿಸುವಲ್ಲಿ ಸಾಕಷ್ಟು ಶ್ರಮಿಸಿದ್ದಾರೆ. ಪಕ್ಷದ ತತ್ವ ಸಿದ್ದಾಂತ ಹಾಗೂ ವರಿಷ್ಠರ ಆದೇಶದ ಮೇರೆಗೆ ಒಳ್ಳೆಯ ಸೇವೆ ಸಲ್ಲಿಸಿ ಸ್ಥಳೀಯ ಆಡಳಿತ ವ್ಯವಸ್ಥೆಯಿಂದ ಹಿಡಿದು ರಾಜ್ಯ, ರಾಷ್ಟ್ರ ಮಟ್ಟದವರೆಗೆ ಅಧಿಕಾರ ಗದ್ದುಗೆ ಹಿಡಿಯುವಲ್ಲಿ ಶ್ರಮಿಸಿದ್ದಾರೆ. ಅಧಿಕಾರ ಶಾಶ್ವತ ಅಲ್ಲ ಯಾರು ಇನ್ನೊಬ್ಬರಿಗೆ ತ್ಯಾಗ ಮಾಡುತ್ತಾರೆ ಅಂತಹವರಲ್ಲಿ ದೊಡ್ಡ ಗುಣ ಇರುತ್ತದೆ. ಇಂದು ತಮ್ಮ ಅಧಿಕಾರ ಬೇರೆಯವರಿಗೆ ನೀಡುವುದು ಇವರ ದೊಡ್ಡ ಗುಣ ಎಂದು ಶಾಸಕ ಯಶವಂತರಾಯಗೌಡ ವಿ ಪಾಟೀಲ ಹೇಳಿದರು.

ಜಿಲ್ಲಾಧ್ಯಕ್ಷ ಮಲ್ಲಿಕಾರ್ಜುನ ಲೋಣಿ, ಇಲಿಯಾ ಬೋರಾಮಣಿ, ಮಲ್ಲನಗೌಡ ಪಾಟೀಲ, ಜಟ್ಟೆಪ್ಪ ರವಳಿ, ಸತಾರ ಭಾಗವಾನ, ಲಿಂಬಾಜಿ ರಾಠೋಡ, ಪ್ರಕಾಶ ಪ್ಯಾಟಿ, ಪ್ರಶಾಂತ ಕಾಳೆ, ಹರಿಶ್ಚಂದ್ರ ಪವಾರ, ಜೀತಪ್ಪ ಕಲ್ಯಾಣಿ, ಶಿವಯೋಗೇಪ್ಪ ಜೋತಗೊಂಡ, ಸಣ್ಣಪ್ಪ ತಳವಾರ, ಪಾಂಡುರಂಗ ಕುಲಕರ್ಣಿ, ಹಸನ ಪಟೇಲ, ಕಾಮೇಶ ಉಕಲಿ, ಸಣ್ಣಪ್ಪ ತಳವಾರ, ಸುಭಾಷ ಬಾಬರ, ಶೇಖರ ನಾಯ್ಕ, ಫೀರೋಶಿ ಸೋನವಾನೆ, ನಿರ್ಮಲಾ ತಳಕೇರಿ, ಶೈಲಜಾ ಜಾಧವ, ಶೇಖರ ಶಿಶರಣ, ಅಯುಬ ಬಾಗವಾನ, ಮುಸ್ತಾಕ ಇಂಡಿಕರ ಸೇರಿದಂತೆ ನೂರಾರು  ಕಾರ್ಯಕರ್ತರು ಮುಖಂಡರು ಉಪಸ್ಥಿತರಿದ್ದರು.